एजेन्सी । ओभल टेस्टको अन्तिम दिन भारतले इङ्ल्यान्डलाई ६ रनले पराजित गरेको छ ।
लण्डनमा ३७४ रनको लक्ष्य पछ्याएको घरेटुलु टोली इङ्ल्यान्ड ३६७ रनमा अलआउट भयो । अन्तिम दिन जितका लागि मात्र ३५ रन चाहिएपनि इंल्यान्डले २८ रन जोड्दै बाँकी ४ विकेट गुमाएको थियो । यससँगै ५ खेलको एन्डरसन-तेन्डुलकर ट्रफी २-२ को बराबरी भएको छ ।
बिहीबार ओभलमा भएको खेलमा इङ्ग्ल्याण्डले बलिङ गर्ने निर्णय गरेको थियो । पहिलो इनिङमा भारतले २२४ र इङ्ग्ल्याण्डले २४७ रन बनाएको थियो । २३ रनले पछि परेको भारतले दोस्रो इनिङमा ३९६ रन बनाएको थियो । इङ्ग्ल्याण्डलाई ३७४ रनको लक्ष्य दिइएको थियो । टोलीले ३ विकेट गुमाएर ३०० रन बनाएको थियो । त्यसपछि ह्यारी ब्रुक शतक प्रहार गर्दै आउट भए । यहाँबाट भारतले ३५४ सम्म इङ्ल्यान्डको ८ विकेट लिएको थियो ।
पाँचौं दिन आयोजक इङ्ल्यान्डले जितका लागि ३५ रन बनाउनुपर्ने थियो । टोलीका गुस एटिङसनले १७ रन बनाएर जितका लागि संघर्ष गरेपनि पर्याप्त भएन । उनीहरूले २८ रन मात्र बनाउन सके र खेल ६ रनले हारे।
इंल्यान्डलाई सस्तैमा समेट्न मोहमद सिराजले ५ विकेट लिए । प्रशिद्ध कृष्णाले ४ जनालाई आउट गरे । आकाश दीपको नाममा एक विकेट रह्यो ।
भारतले शृङ्खलाको दोस्रो र पाँचौं टेस्ट जित्यो भने इङ्ल्यान्डले पहिलो र तेस्रो टेस्ट जित्यो । चौथो टेस्ट बराबरीमा सकियो।
