काठमाडौँ । आगामी भदौ ३ गतेबाट हुने नाडा अटो शोको उद्घाटनमा प्रधानमन्त्री केपी शर्मा ओलीको उपस्थिती रहने भएको छ । प्रधानमन्त्री ओलीले शोको उद्घाटन प्रधानमन्त्रीले गर्नुहुने नाडाका उपाध्यक्ष राजनबाबु श्रेष्ठले जानकारी दिनुभयो।
नाडाका अध्यक्ष करण चौधरीको नेतृत्वको प्रतिनिधि मण्डलले प्रधानमन्त्री ओलीसँग भेट गरी नाडा अटो शो उद्घाटनको निम्तो दिएको छ । प्रधानमन्त्रीसँगको भेटमा अध्यक्ष चौधरीले नाडा स्थापनाको ५० औँ वार्षिक उत्सव मनाउने क्रममा रहेको र नाडाले १७ औँ संस्करणको नाडा अटो शो २०२५ आयोजना गर्न लागेको जानकारी गराउनुभयो ।
यस्तै, उहाँले पहिलो पटक नेपालमा प्रदर्शन हुँदै गरेको युनिट्र रोबोट्स् र डिपल इभटोल युएभी जस्ता आकर्षक र भविष्य उन्मुख प्रविधिहरू प्रदर्शनीको केन्द्र विन्दु हुने जानकारी गराउनुभयो ।
नाडाले यही आउँदो भाद्र ३ गते देखि ८ गतेसम्म काठमाण्डौको भृकुटीमण्डपमा १७औँ नाडा अटो शो २०२५ आयोजना गर्दैछ । शोमा १२५ भन्दा बढी प्रदर्शक तथा ३० भन्दा बढी ब्रान्डको सहभागिता रहनेछ ।
