काठमाडौँ । नेकपा (माओवादी केन्द्र)का युवा नेता सुवोध सेर्पालीले पार्टीका स्थायी समिति सदस्य एवं पूर्वसभामुख कृष्णबहादुर महरालाई पटकपटक पक्राउ गरिएको घटनाप्रति प्रश्न उठाएका छन् ।
सेर्पालीले सामाजिक सञ्जालमार्फत एक स्टाटस लेख्दै भनेका छन्,
“एउटै मुद्दामा फोन कल भनसुनलाई मुख्य आधार बनाएर क। कृष्णबहादुर महरालाई पटकपटक पक्राउ गर्दा पार्टी केन्द्रीय कार्यालयको आधिकारिक धारणा के हो ? पक्राउ गर्ने ।अनुसन्धानबाट क्लिएर भयो भन्दै रिहाइ गर्ने अनि फेरि पक्राउ ? कतै यो मसला आधार भन्दा बढी षड्यन्त्रकारीको फन्दामा त छैन ?”
उनले अगाडि लेखेका छन्, ‘दोषी अनिवार्य कारबाही होस् निर्दोष कोहि अनाहकमा नपरोस् ।’
माओवादी केन्द्रका वरिष्ठ नेता महरालाई प्रहरीले आइतबार भेपमा सुन लुकाएर ल्याएको प्रकरणमा पुनः पक्राउ गरेको थियो । यसअघि पनि सोही मुद्दामा उनलाई पक्राउ गरी पछि प्रमाण नपुगेको भन्दै रिहा गरिएको थियो ।
