काठमाडौँ । मेलम्ची खानेपानी आयोजनाको काठमाडौंको अनामनगरस्थित योजना कार्यान्वयन निर्देशनालयमा अख्तियार दुरुपयोग अनुसन्धान आयोगले मंगलबार साँझ छापा मारेको छ ।
अख्तियारको टोलीले आयोजनाका पाइप बिक्री वितरणमा अनियमितता र भ्रष्टाचार भएको भन्ने सूचनाको आधारमा छापा मारेको हो । छापामारीका क्रममा कार्यालयका विभिन्न कागजातहरू नियन्त्रणमा लिइएका छन् ।
स्रोतका अनुसार, ठूलो मात्रामा आयोजनाका पाइपहरू बिक्री तथा वितरण गरिएको र त्यसमा आर्थिक लेनदेनमा अनियमितता भएको आरोपपछि अख्तियारको टोली अनुसन्धानका लागि पुगेको हो ।
अख्तियारले उक्त घटनाबारे थप अनुसन्धान अघि बढाएको जनाएको छ ।
