काठमाडौँ । बुधबार राति सम्पन्न टी–२०विश्वकप एसिया–इस्ट एसिया प्यासिफिक छनोटको सुपर सिक्स अन्तर्गतको खेलमा नेपालले घरेलु टोलि ओमानलाई ३८ रनले पराजित गर्यो ।
त्यस खेलअघि नै अर्को वर्ष भारत–श्रीलंकामा हुने टी–२० विश्वकमा नेपालले स्थान पक्का गरिसकेको थियो । त्यसमाथि घरेलु टोलिलाई नै हराएको नेपालको प्रदर्शनलाई लिएर देश–विदेशमा रहेका नेपालीले सामाजिक सञ्जालमार्फत खुसी साटासाट गरे । धेरैथोर क्रिकेट खेललाई फलो गर्नेसमेतले फेसबुकमा स्टाटस लेख्दै खुसी मनाए ।
यसैबीच कन्टेन्ट क्रियटर इस्टु कार्कीले खेलको समयमा लगातार स्टाटसहरू लेखिन् । उनको स्टाटस यसरी आइरहेको थियो कि लाइभ कमेन्ट्री जस्तै लगातार अपडेटको रुपमा ।
उनी आफ्नो स्टाटसबाट ट्रोल हुन पुगिन् । उनको कमेन्ट बक्समा थुप्रै नकरात्मक कमेन्टहरु आए । चितवनको एउटा होटल रुममा बसेकी बताउने इस्टुले खेल अवधिभरि २७ वटा पोस्ट गरिन् । तीमध्ये उनले लेखेका ४ वटा स्टाटस दोहोरो अर्थ लाग्ने र अश्लिलता झल्काउने थिए । ती स्टाटसमा आएका अधिकांश कमेन्टहरु पनि अश्लील नै छन् ।
यसलाई लिएर विभिन्न मिडियामा समाचार नै बने । त्यसको खन्डन गर्दै इस्टुले भिडियो राख्दै ‘झोलेहरुले लेखेको न्यूज हो फलो नगर्नुहोला है’ भन्नसम्म भ्याइन् ।
उनले भिडियोमा भन्छिन्ः
म एउटा शुटको लागि चितवनमा छु । हिजो मैले क्रिकेट हेर्दै गर्दा हालेको स्टाटसमा केही केही शब्दहरु डबल मिनिङवाला भएछ । मलाई थाहा थिएन । अघि शुट सकेर यसो हेर्छु त म आफैं तर्सिराको के । फेरि क्रिकेटको बारेमा जे बोल्दा पनि डबल मिनिङ नै लाग्दो रहेछ के । अब झार्नु… त्यो स्टाटस मैले एउटा पनि डिलेट गरेको छैन । गर्दिनँ पनि । तपाई हरु गएर हेर्दा हुन्छ ।
जे बोल्दा पनि डबल मिनिङ नै लाग्दो नै रहेछ क्या । मैले त्यो एक्साइटमेन्टमा लेखेँ । क्वीक लेख्नुपर्ने नि त । अहिले स्टाटस लेख्यो एकछिनमा चाहीँ पोस्ट हान्यो फेरि टिभी पनि हेर्नुपर्ने छ नि त । छिटो छिटो गर्दा त्यो भयो । अहिले हेर्दा हो त ? जस्तो भयो । धेरै पनि छैन तीनचार वटा छ । यो जे पाए त्यै न्यूजहरु बनिराछ प्लिज गाइज त्यो न्यूजहरु हावा हो के, झोलेहरुले लेखेको न्यूज हो त्यसलाई फलो नगर्नुहोला थ्यांक यू सो मच ।
इस्टु यसअघि पनि पटक पटक चर्चामा आइराखेकी छिन् । माइपोखरीमा करिब अर्धनग्न फोटोसेसन र भिडियो सार्वजनिक गरेर भाइरल भएकी थिइन् ।
