काठमाडौं । पूर्व प्रधानन्यायधीश कल्याण श्रेष्ठले भ्रम र अफवाह फैलाउने समाचार लेखेर संञ्चारमाध्यामकै बेइज्जत नगर्न आग्रह गर्नुभएको छ ।
केही सञ्चार माध्यामले आफनो बारेमा भ्रम र अफवाह फैलाउने समाचारहरु संप्रेषण गरेपछि पूर्व प्रधानन्यायधीश श्रेष्ठले तथ्थ ,प्रमाणमा टेकेर समाचार प्रकाशन र प्रशारण गर्न र संञ्चारमाध्यामलाई विश्वसनीय र जिम्मेवार बनाउन आग्रह गर्नुभएको छ ।
उहाँले एक बिज्ञप्ति जारी गर्दे खगेन्द्र सुनार संग आफ्नो कुनै चिनजान नभएको , मन्त्री बन्न लागेको थाहा नभएको , उसलाई चिन्दै नचिनेको र आफु कुनै सिफारिस गर्ने तहमा पनि नभएको भन्दै हाबादारी र कपोकल्पीत समाचार प्रकाशन गर्ने संस्थालाई तथ्थ प्रमाण , आधार ल्याउन चुनौति दिनु भएको छ ।
श्रेष्ठले भ्रम र अफवाह फैलाउने संञ्चार माध्यामलाई कानूनी कारबाही का लागि प्रेस काउन्सीलमा समेत उजुरी दर्ता गराउनु भएको छ । काउन्सीलले सम्बन्धित संञ्चारसंस्थालाई पत्राचार गर्दे श्रेष्ठको खण्डन प्रकाशन गर्न र जबाफ पेश गर्न कार्तिक ९ गते पत्राचार गरेको छ ।
