काठमाडौँ । हङकङमा आजदेखि सुरु हङकङ सिक्सेस क्रिकेट प्रतियोगितामा नेपाल अफगानिस्तानसंग १७ रनले पराजित भएको छ ।
जितका लागि ११३ रनको लक्ष्य पछ्याएको नेपालले २ विकेट गुमाएर ९५ रन मात्र बनाउन सक्यो । नेपालका लागि सन्दीप जोराले १४ बलमा अर्धशतक प्रहार गरेपनि टोलीले जित हासिल गर्न सकेन । जोराले १४ बलमा ८ छक्का र १ चौका मा ५३ रन बनाएका थिए । त्यसपछि उनी रिटायर्ड भएका थिए । सिक्सेसमा ५० रन बनाउने खेलाडी रिटायर्ड हुनुपर्ने प्रावधान छ ।
यस्तै, अर्को ओपनर लोकेश बमले १० रन बनाउदा राशिद खानले ११ र मोहम्मद आदिल आलमले नटआउट ११ रन जोडे।
अफगानिस्तानका फरमुल्ला र इजाज अहमद अहमदजाइ ले समान १ विकेट लिए ।
यसअघि हङकङको मोङ कोकस्थित मिसन रोड ग्राउन्डमा टस जितेर पहिले ब्याटिङ गरेको अफगानिस्तानले ५ विकेट गुमाउँदै ११२ रनको योगफल बनाएको थियो ।
नेपालका लागि राशिद खानले ह्याट्रिकसहित ४ विकेट लिएका थिए । अर्को विकेट लोकेश बमले लिएका थिए ।
