काठमाडौं । सञ्चार तथा सूचना प्रविधिमन्त्री जगदीश खरेलले विघटित प्रतिनिधिसभाका तीन ठूला दलका शीर्ष नेताहरुसँग भेट गर्न लागेका छन् । यसक्रममा उनले नेपाली काँग्रेसका सभापति शेर बहादुर देउवालाइ उनकै निवासमा गएर भेट गरेका छन् ।
मन्त्री खरेलको सचिवालयका अनुसार, उनले नेपाली कांग्रेसका सभापति शेरबहादर देउवा, नेकपा एमालेका अध्यक्ष केपी शर्मा ओली र नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’सँग भेटवार्ता गर्न लागेका हुन् ।
मन्त्री खरेलले बिहान साढे ९ बजे काग्रेस सभापति देउवा, ११ बजे एमाले अध्यक्ष ओली र १२ बजे प्रचण्डसँग भेटवार्ता गर्नेछन् ।
यसअघि यस टोलीले गत भदौ २३ र २४ गतेको आन्दोलनका क्रममा क्षति पुगेका नेपाली काँग्रेस, नेकपा एमाले, नेपाली कम्युनिष्ट पार्टी, रास्वपा, राप्रपा लगायतका दलका कार्यालयहरु अनुगमन गरेको थियो ।
