काठमाडौं । नेपाली कांग्रेसले केन्द्रीय कार्यसम्पादन समितिको बैठक बस्दैं छ । आजको बैठकमा सभापति शेरबहादुर देउवा नै उपस्थित हुने एक केन्द्रीय सदस्यले जानकारी दिनुभयो ।
दिउँसो ३ बजेका लागि बोलाईएको बैठक अघि महामन्त्रीद्वय गगन थापा र विश्वप्रकाश शर्माले पार्टीको नियमित महाधिवेशन हुन नसक्ने अवस्थामा विशेष महाधिवेशन हुनुपर्ने भन्दै जारी गरेको विज्ञप्तिका बारेमा छलफल हुने जनाईएको छ ।
सभापति शेरबहादुर देउवा भदौ २४ गते जेनजी आन्दोलनका क्रममा प्रदर्शनकारीको कुटपिटबाट घाइते भएपछि थप उपचारको लागि सिंगापुर जाँदा १० कात्तिकमा उपसभापति पूर्णबहादुर खड्कालाई कार्यवहाक को जिम्मेवारी दिनु भएको थियो । त्यस पछिको बैठकमा उहाँ उपस्थित हुनु भएको छैन । महामन्त्रीद्वयको पछिल्लो कदम पछि दुबै पक्ष आन्तरिक छलफलमा व्यस्त रहेका छन् ।
छलफलमा रहेका ती सदस्यले भने महामन्त्रीद्वयले बिशेष महाधिबेशन सभापति देउवा बिरुद्ध नभै समयको माग र केन्द्रीय समितिको निर्णय बमोजिम भएकोले सभापति देउवाले अपनत्व लिई निकास दिने बारेमा छलफल भै रहेको जानकारी दिनुभयो । उहाँले भन्नुभयो आज बैठक सुरु भए लगत्तै स्थगित गरेर सभापति र महामन्त्रीहरु बिच छलफलका लागि समय लिने काम हुन्छ ।
