काठमाडौँ । नेपाली सुनचाँदी बजारमा मंगलबार सुनको मूल्य बढेको छ । आज छापावाल सुन प्रतितोला तीन हजार एक सय रुपैँयाले बढेको हो ।
यससँगै मंगलबार छापावाल सुन प्रतितोला दुई लाख ६८ हजार एक सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । सोमबार उक्त सुन प्रतितोला दुई लाख ६५ हजार रुपैयाँमा कारोबार भएको थियो ।
यस्तै, मंगलबार चाँदीको मूल्य पनि बढेको छ । आज चाँदी प्रतितोला एक सय ९५ रुपैँयाले बढेर चार हजार आठ सय ८० रुपैयाँ कायम भएको महासंघले जनाएको छ ।
