काठमाडौँ । नेपाली कांग्रेसको विशेष महाधिवेशनमा निर्वाचनका लागि ३० वटा मनोनयपत्र वितरण गरिएको छ ।
सभापतिसहित पदाधिकारीका लागि ३० वटा मनोनयपत्र वितरण गरिएको निर्वाचन समितिले जनाएको छ । साढे ३ बजेसम्म ३ वटा सभापति र बाँकी अन्य पदाधिकारीका लागि मनोनयनपत्र वितरण गरिएको हो ।
आयोगले साँझ ५ बजेपछि मनोनयपत्र दर्ताको लागि समय छुट्टाएको छ । मनोनयनको लागि सभापति पदका लागि रु ३० हजार, उपसभापति र महामन्त्रीका लागि रु २५ हजार, सहमहामन्त्रीका लागि रु २० हजार र केन्द्रीय सदस्यका लागि रु १० हजार तोकिएको छ ।
नेपाली कांग्रेसको १४औँ महाधिवेशनमा चार हजार ७४३ मतदाता रहेकामा निधन भएका र अन्य पार्टीमा प्रवेश गरेकाबाहेक हाल चार हजार ६३५ महाधिवेशन प्रतिनिधि कायम छन् ।
