काठमाडौँ । कारावाओ (इएफएल) कप अन्तर्गत आर्सनलले जित निकालेको छ । गएराति भएको सेमिफाइनलको पहिलो लेगमा आर्सनलले चेल्सीलाई २–३ गोलले हराएको हो ।
चेल्सीको घरेलु मैदान स्टामफोर्ड ब्रिजमा खेलको सातौं मिनेटमा नै आर्सनलले बेन ह्वाइटको गोलबाट अग्रता लिएको थियो । ४९ औं मिनेटमा भिक्टर ग्योकेरेसले गोल थप्दै आर्सनलको अग्रता दोब्बर पारे । यता, ५७ औं मिनेटमा अलेजान्ड्रो गर्नाचोले गोल गर्दै चेल्सीलाई १–२ को अवस्थामा ल्याए ।
७१ औं मिनेटमा मार्टिन जुविमेन्डीले गोल थप्दै आर्सनललाई १–३ ले अघि बढाए । ८३ औं मिनेटमा गर्नाचोले नै व्यक्तिगत र टोलिका लागि दोस्रो गोल फर्काए । त्यसपछि थप गोल भएन र आर्सनलले जित निकाल्यो । अब दोस्रो लेग फेब्रुअरी ४ मा आर्सनलको घरेलु मैदानमा हुनेछ ।
