काठमाडौँ । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र साह (बालेन) पहिलोपटक पार्टी कार्यालयमा प्रवेश गर्दैछन् ।
उनीसँगै जेनजी अगुवा तथा हामी नेपाल नामक संस्थाका संयोजक सुदन गुरुङ पनि रास्वपा प्रवेश गर्ने भएका छन् ।
सामाजिक सञ्जालमार्फत उनले यो जानकारी दिएका हुन् । उनले भनेका छन्– ‘आज दिउँसो ३ः३० बजे, बालेन शाह र म औपचारिक रूपमा राष्ट्रिय स्वतन्त्र पार्टीमा प्रवेश गर्दैछौँ। यो निर्णय पद, शक्ति वा व्यक्तिगत स्वार्थका लागि होइन, जनताको अपेक्षा र जिम्मेवारीप्रतिको प्रतिबद्धताबाट आएको हो।’
