चितवन । भरतपुर महानगरपालिकाकी प्रमुख रेणु दाहालले पदबाट राजीनामा दिएकी छन्।
आसन्न प्रतिनिधिसभा निर्वाचनमा चितवन निर्वाचन क्षेत्र नम्बर ३ बाट उम्मेदवारी दिने निर्णय गरेकी दाहालले उपप्रमुख चित्रसेन अधिकारीसमक्ष राजीनामा बुझाएकी हुन्।
दाहालले आज मध्यान्ह १२ बजे उम्मेदवारी दर्ता गर्ने कार्यक्रम तय गरिएको छ।
राजीनामा दिनुअघि उनले कार्यपालिका बैठक बोलाई महानगरका जनप्रतिनिधि तथा कर्मचारीहरूलाई आफ्नो कार्यकालमा सहयोग गरेकोमा धन्यवाद ज्ञापन गरेकी थिइन्।
रेणुले भरतपुर महानगरपालिकामा दुई पटक प्रमुखको जिम्मेवारी सम्हाल्दै आएकी थिइन्।
