काठमाडौँ । राष्ट्रिय स्वतन्त्र पार्टी (रास्वपा)का उम्मेदवार राजुनाथ पाण्डेले काठमाडौं निर्वाचन क्षेत्र नम्बर ३ बाट उम्मेदवारी दर्ता गरेका छन्।
मंगलबार बिहान रास्वपाका कार्यकर्तासहित निर्वाचन अधिकृतको कार्यालय पुगेर पाण्डेले आफ्नो उम्मेदवारी दर्ता गराएका हुन्।
पाण्डेका प्रस्तावक राष्ट्रिय स्वतन्त्र पार्टी काठमाडौं निर्वाचन क्षेत्र नम्बर ३ का सभापति उज्ज्वल सापकोटा बचन रहेका छन् भने समर्थकका रूपमा विश्वराज रिजाल रहेका छन्।
पाण्डेभन्दा अघि काठमाडौं–३ बाट प्रगतिशील लोकतान्त्रिक पार्टी, जनता समाजवादी पार्टी (जसपा), मंगल नेशनल पार्टी तथा अन्य तीन जना स्वतन्त्र उम्मेदवारले उम्मेदवारी दर्ता गराइसकेका छन्।
