काठमाडौं । पूर्वराजा ज्ञानेन्द्र शाह र पूर्वरानी कोमल शाह आज जनकपुरधाम जादै हुनुहुन्छ ।
पूर्वराजको संवाद सचिवालयका अनुसार जनकपुरधाम पुगेर जानकी मन्दिर दर्शन गर्ने कार्यक्रम रहेको छ। हाल झापामा रहनु भएका शाह जनकपुर बाट फेरी झापा नै फर्कने र अर्को महिना मात्र काठमाडौं फर्कने जनाईएको छ
पूर्वराजाको आगमनलाई लक्षित गर्दै राप्रपा धनुषाले स्वागत तथा व्यवस्थापनका लागि तयारी तीव्र पारेको छ। पार्टीले एक हजार एक सदस्यीय मूल समारोह स्वागत समिति गठन गर्नुका साथै विभिन्न उपसमिति बनाएर कार्यक्रमलाई भव्य बनाउने तयारी गरेको जनाएको छ।
