काठमाडौं । नेपाली सुनचाँदी बजारमा सुनको मूल्य निरन्तर बढिरहेको छ ।
अघिल्लो दिनको तुलनामा सोमबार सुन प्रतितोला पाँच हजार दुई सय रुपैयाँले बढेको नेपाल सुनचाँदी व्यवसायी महासंघले जनाएको छ ।
यससँगै आज छापावाला सुन प्रतितोला तीन लाख नौ हजार रुपैयाँमा कारोबार भईरहेको छ । जुन हालसम्मकै उच्च कारोबार हो । आईतबार उक्त सुन प्रतितोला तीन लाख तीन हजार आठ सय रुपैयाँमा कारोबार भएको थियो ।
यस्तै, सोमबार चाँदीको मूल्य पनि बढेको छ । आईतबारको तुलनामा आज चाँदी प्रतितोला दुई सय ८५ रुपैयाँले बढेर प्रतितोला छ हजार सात सय ६५ रुपैयाँमा कारोबार भईरहेको महासंघले जनाएको छ ।
