काठमाडौं । उपेन्द्र यादव नेतृत्वको जसपा नेपालले प्रदीप यादवसहित ८ नेतालाई कारबाही गरेको छ । पार्टी छाडेर एमालेबाट उम्मेदवार बनेपछि जसपाले यादवलाई पार्टीबाट निष्कासन गरेको हो ।
पार्टीले यादवसहित चन्दन कुमार सिंह, आत्माराम साह, कमरुल्लाह अन्सारी, उदयकान्त मिश्र, हरिनारायण यादव, नबल किशोर सिंह र डा.शिवजी यादवलाई समेत निष्कासन गरेको छ ।
प्रतिनिधि सभा निर्वाचन निर्वाचनमा नीति तथा निर्णय विपरीत पार्टीको आधिकारिक उम्मेदवारहरूको विरुद्ध, उम्मेदवारी दिने तथा पार्टीको हित, पार्टी अनुशासन र विधान विपरीत कार्य गरेको भन्दै उनीहरुलाई पार्टीबाट निष्कासन गरिएको हो ।
