रियल मड्रिड कोपा डेल रे फुटबलको अन्तिम १६ मा प्रवेश गरेको छ । बुधबार राति भएको खेलमा तेस्रो डिभिजनको क्लब युनियनइस्टासलाई रियलले ३–१ गोल अन्तरले पराजित गरेको हो । जितसंगै रियल अन्तिम १६ मा पुगेको हो ।
युनियनइस्टासको मैदानमा भएको खेलमा, खेलको १८ औं मिनेटमा ग्यारेथ बेलले गरेको पहिलो गोलले रियललाई अग्रता दिलाएको थिए । तर अल्भारो रोमेरोले ५७ औं मिनेटमा गोल गर्दै पुनः घरेलु टोलीलाई १–१ गोलको बराबरीमा फर्काउन सफल रह्यो ।
खेलको ६२ औं मिनेटमा घरेलु टोलीका जुवान गोङ्गोराले आत्मघाती गोल गर्दा रियल २–१ ले अघि रह्यो । त्यसपछि खेलको ९० औं मिनेटमा ब्राहिम डियाजले गोल गर्दै रियललाई ३१ को जित दिलाए ।
