इङलिस प्रिमियर लिग अन्तर्गत गएराति भएका खेलमा चेल्सीले वेस्ट ह्यामलाई ३–२ गोल अन्तरले पराजित गरी लिगमा लगातार तीन खेल जितको रेकर्ड बनाएको छ ।
यो जितसँगै चेल्सी लिगमा चौथो स्थानमा उक्लेको छ । चेल्सीले २४ खेलबाट ४० अंक जोड्न सफल भएको छ । उता, वेस्ट ह्याम भने २० अंक सहित रेलिगेसन क्षेत्रमा छ ।
झण्डै ७१ प्रतिशत खेल आफ्नो पक्षमा राखेको चेल्सीका लागि जोओओ पेड्रो, मार्क कुकुरेला र एन्जो फर्नान्डेजले गोल गरेका थिए भने वेस्ट ह्यामका लागि जेरोड बोएन, सी समरभिल्लेले गोल गरेका थिए । पहिलो २ गोल वेस्ट ह्यामले गरे पनि चेल्सीले पुनरागमन जित निकालेको थियो ।
निकै तनाबपूर्ण यस खेलमा दोस्रो हाफमा थप गरिएको इन्जुरी समयको ११औं मिनेटमा जिन–क्लेएर टोडिबोले रातो कार्ड पाएर मैदान छाड्नु परेको थियो ।
