काठमाडौं: अन्तर्राष्ट्रिय बजारमा सुनचाँदीको मूल्यमा गिरावट आएसँगै नेपालमा पनि त्यसको असर देखिएको छ ।
नेपाल सुनचाँदी व्यवसायी महासंघका अनुसार, आज छापावाल सुनको मूल्य प्रतितोला रु. २ लाख ८६ हजार ६०० तोकिएको छ । यो गत शुक्रबारको तुलनामा रु. १३ हजार ४०० ले कमी हो । गत शुक्रबार छापावाल सुनको मूल्य रु. ३ लाख प्रति तोला थियो ।
यस्तै चाँदीको मूल्यमा पनि कमी आएको छ । गत शुक्रबार प्रति तोला रु. ५ हजार ५०० रहेको चाँदीको मूल्य आज रु. ५ हजार २०० तोकिएको छ ।
अन्तर्राष्ट्रिय बजारमा सोमबार १० बजेसम्म सुनको मूल्य प्रति ग्राम १५० डलरको हाराहारीमा रहेको छ भने चाँदी ७९ डलर प्रति औंस रहेको छ ।
