निर्वाचनमा तालमेलको अवस्था नभए पनि सम्भावना बाँकी: पृथ्वी सुब्बा गुरुङ

काठमाडौं: काठमाडौं नेकपा एमालेका उपाध्यक्ष पृथ्वी सुब्बा गुरुङले जनताले नयाँ अनुहार नभइ नयाँ भिजन खोजेको बताउनु भएको छ ।

प्रेस चौतारी नेपालले आयोजना गरेको निर्वाचन संवाद कार्यक्रममा बोल्दै गुरुङले सो कुरा बताउनुभएको हो । नेपाली काँग्रेस नयाँ भयो भनिए पनि त्यस्तो नदेखिएको उहाँको भनाइ छ । `काँग्रेसमा नयाँ अनुहार आए,नयाँ भिजन आएन´ गुरुङले भन्नुभयो `काँग्रेसको विशेष महाधिवेशनपछि पनि उहाँहरुको सिद्धान्त ,बिचार र दर्शनमा कुनै फेरबदल भएको छैन । त्यसैले काँग्रेस यथा अवस्थामै छ ।´

लामो ईतिहास भएका पार्टीको सान्दर्भिकता नसकिने उहाँको भनाइ छ । `केही पार्टी र व्यक्तिले आफुलाई नयाँ अरुलाई पुराना भनेर आर‍ोप गरिरहेका छन्´ गुरुङले भन्नुभयो `उनीहरु एजेन्डाबिहिन हुन् । त्यही भएर उनीहरु पब्लिक फेस गर्न सकेका छैनन् ।´

निर्वाचनमा तालमेलको सन्दर्भमा अहिले त्यस्तो अवस्था नभए पनि सम्भावना बाँकी रहने बताउनुभयो ।