काठमाडौं । मंगलबारको दिनलाई भगवान गणेशको दिन मानिने गरिन्छ । मँगलबारकै दिन भगवान गणेशको पुजा गर्नाले सोचेको काम पुरा हुने बिश्वास पनि गरिन्छ । मँगलबारकै दिन काली माता, दुर्गा माता र हनुमानको पनि पुजा गरिन्छ । तर अन्य भगवानको पुजा गर्नु अघि भगवान गणेशलाई नै सम्झिने गरिन्छ । यस दिन ब्रत बस्दा पनि बिहान खाना नखाने र बेलुका पनि खानामा नुन मिसाउनु हुदैन ।
हिन्दूधर्मअनुसार मंगलबारको व्रत गर्नाले सुख प्राप्ति, शत्रु दमन, स्वास्थ्य रक्षार्थ तथा पुत्र प्राप्ति हुने बिश्वास गरिन्छ । ब्रत बस्दा गहुँ र सख्खरको भोजन गर्नु र रातो कपडा लगाउनु राम्रो मानिन्छ । गणेश भगवानको आराधना गर्दा ऊँ भौमाय नमः’ ५ माला जप गर्नु पर्ने हुन्छ । गणेशको पुजा आरधाना गर्दा रातो फूल, फल, तामा, नरिवल दान गर्नु राम्रो हुन्छ ।
