रौतहट । रौतहटमा रास्वपा उम्मेदवारको गाडीले ठक्कर दिँदा ४ वर्षीय बालिकाको मृत्यु भएको छ ।
रास्वपाका क्षेत्र नम्बर–२ उम्मेदवार सेख सागिरको बा १५ च ४२४४ नम्बरको गाडीले ठक्कर दिँदा सोही नगरपालिका निवासी सागिर मोहम्मदकी ४ वर्षीय छोरी अल्फा खातुनको मृत्यु भएको हो ।
खातुनको उपचारको क्रममा मृत्यु भएको रौतहट प्रहरीका प्रवक्ता डीएसपी विष्णुप्रदीप बस्यालले बताए । रास्वपाको उम्मेदवारको स्टिकर टाँसिएको उक्त गाडिले बालिकालाई बाटोमा खेलिरहेका बेला ठक्कर दिएको थियो । यद्यपी, गाडीमा उम्मेदवार भने सवार थिएनन् ।
ठक्कर दिने गाडी प्रहरीले नियन्त्रणमा लिएको छ । चालक भने फरार रहेका छन् । चालको खोजिकार्य भईरहेको डीएसपी बस्यालले बताए ।
