इङलिस प्रिमियर लिग अन्तर्गत आइतबार साँझ भएको खेलमा क्रिस्टल प्यालेसले ब्राइटनलाई १–० गोल अन्तरले पराजित गरेको छ । यो जितसँगै क्रिस्टल प्यालेसले ३२ अंक सहित १३औं स्थानमा छ ।
ब्राइटन भने ३१ अंक सहित लिगको अंक तालिकामा १४औं स्थानमा छ ।
पछिल्ला पाँच खेलमा क्रिस्टल प्यालेस तीन खेलमा हार र दुईमा बराबरी गरेर दबाबमा थियो ।
अमेरिकन एक्सप्रेस स्टेडियममा भएको खेलमा ६३ प्रतिशत बल ब्राइटनले आफ्नो पक्षमा राखे पनि क्रिस्टल प्यालेसले ब्राइटनको पोस्टमा पटक पटक खतरनाक प्रहार गरेको थियो ।
प्यालेसका लागि स्माइला सारले ६१औं मिनेटमा गोल गरेका थिए ।
आजै राति दुई महारथी टिम म्यान्चेस्टर सिटी र लिभरपुलबीच खेल हुँदैछ । यो खेल १०.१५ बजे लिभरपुलको गृह मैदान एन्फील्डमा हुनेछ ।
