काठमाडौँ । टी-२० विश्वकप २०२६ को १७ औं खेलमा आज नेपालले इटालीसँग खेल्दैछ । मुम्बईको वानखेडे रंगशालामा हुन लागेको खेल नेपाली समय अनुसार दिउँसोको ३ः१५ बजेबाट सुरु हुनेछ ।
खेल सुरु हुनु आगवै मुम्बईमा नेपाली क्रिकेट फ्यान जम्मा हुन थालिसकेका छन् । उनीहरु रंगशाला र मुम्बईका विभिन्न स्थानमा भेला भएर नेपाली टिमलाई हौसला दिइरहेका छन् ।
यसअघि इङ्गल्याण्डविरुद्धको खेलमा पनि नेपाली समर्थकहरुको उल्लेखनीय उपस्थिती रहेको थियो । उक्त खेलमा वानखेडे रंगशाला निलो र रातो रङले भरिएको थियो । शिरमा ढाका टोपि, गालामा नेपालको झण्डा पेन्ट र काँधमा राष्ट्रिय झण्डा बोकेका नेपाली फ्यानलाई देख्दा त्यहाँ कुनै पर्व भएजति नै देखिन्छ ।
तस्बिर: दिपेन्द्र कुँवर (मुम्बईबाट)
