काठमाडौं । टी–२० विश्वकप अन्तर्गत समूह ‘बी’को खेलमा जिम्बाब्वेले अष्ट्रेलियालाई १७० रनको लक्ष्य दिएको छ ।
कोलम्बोस्थित आर प्रेमादासा मैदानमा टस हारेर पहिला ब्याटिङ गरेको जिम्बाब्वेले निर्धारित २० ओभरमा २ विकेटको क्षतिमा १६९ रन बनायो ।
जिम्बाब्वेका लागि ब्रायन बेनेटले अर्धशतक बनाए । उनी ६४ रनमा अविजित रहँदा तडिवानासे मारुमनी र रायन बुर्लले ३५–३५ रन बनाए । यस्तै, सिकन्दर रजा २५ रनमा अविजित रहे ।
बलिङतर्फ मार्कुस स्टोइनिस र क्यामरुन ग्रिनले एक–एक विकेट लिए ।
अहिले अष्ट्रेलियाले जवाफि ब्याटिङ गरिरहेको छ ।
