२०२१ साल सुरु हुने बित्तिकै कोरानाको दोस्रो लहर आयो र धेरै सेलिब्रेटीहरूलाई साथमा लिएर गए। यो वर्ष धेरै सेलिब्रेटीका लागि निकै पीडादायी रह्यो । कसैको ब्रेकअप भयो भने कसैले आफ्नो प्रियजनलाई सदाको लागि गुमाए। सन् २०२१ मा फिल्म र टिभी उद्योगका धेरै यस्ता अनुहारको मृत्यु भयो जसको प्रस्थानपछि फ्यानहरू नराम्ररी स्तब्ध भएका छन् ।
१. दिलीप कुमार
हिन्दी सिनेमाका सबैभन्दा मनपर्ने र उत्कृष्ट कलाकार दिलीप कुमारको ७ जुलाई २०२१ मा निधन भयो। ९८ वर्षीय उनी लामो समयदेखि बिरामी थिए र मुम्बईको हिन्दुजा अस्पतालमा भर्ना भएका थिए । दिलीप कुमारको बिदाइले पत्नी सायरा बानोलाई निकै स्तब्ध बनाएको छ । दिलीप कुमारको निधन भएको थाहा पाउने बित्तिकै धर्मेन्द्र र शाहरुख खान दिलीप कुमारको घर पुगेका थिए ।
२. सुरेखा सिखरी
टिभी शो ‘बालिका वधू’ मा दादी साको भूमिका निर्वाह गरेकी चर्चित अभिनेत्री सुरेखा सिखरीले पनि २०२१ मा सबैलाई एक्लै छोडिन् । राष्ट्रिय अवार्ड विजेता सुरेखा सिखरीले धेरै फिल्म र सिरियलमा काम गरेकी थिइन् । उनको दमदार एक्टिङबाट जो कोही प्रभावित थिए । सुरेखा सिकरीको १६ जुलाई २०२१ मा बिहान हृदयघातका कारण मृत्यु भएको थियो।
३. सिद्धार्थ शुक्ला
चर्चित टिभी अभिनेता तथा ‘बिग बोस १३’ का विजेता सिद्धार्थ शुक्लाको २ सेप्टेम्बरमा निधन भएको थियो । उनलाई हृदयाघात भएको थियो । उनी ४० वर्षका थिए । सिद्धार्थ शुक्लाले राति सुत्नुअघि औषधि सेवन गरेको बताइएको छ । औषधि खाएपछि सिद्धार्थ बिहान उठ्न सकेनन् ।
४. घनश्याम नायक ‘नट्टु काका’
चर्चित सिटकम ‘तारक मेहता का उल्टा चश्मा’ मा नट्टु काकाको भूमिका निभाएका अभिनेता घनश्याम नायकको घाँटीको क्यान्सरका कारण निधन भयो । ‘नट्टु काका’ को निधनले फ्यान स्तब्ध भएका छन् । उनले आफ्नो दमदार अभिनयले बालबालिकादेखि वृद्धवृद्धासम्मको मनमा उनले स्थान बनाएका थिए । उनले ३५० भन्दा बढी टिभि शो र २०० भन्दा बढी गुजराती र हिन्दी चलचित्रहरूमा अभिनय गरेका थिए ।
५. विक्रमजीत कँवरपाल
टिभी तथा चलचित्रका चर्चित अभिनेता विक्रमजीत कंवरपालको कोरोनाका कारण निधन भयो । उनी ५२ वर्षका थिए । विक्रमजीतको निधनले चलचित्र क्षेत्र स्तब्ध भएको छ । विक्रमजीतले सन् २००३ मा भारतीय सेनाबाट अवकाश लिएपछि अभिनयमा डेब्यु गरेका थिए । उनले ‘पेज ३’, ‘रकेट सिंह ः सेल्सम्यान अफ द इयर’, ‘आरक्षन’, ‘मर्डर २’, ‘२ स्टेट्स’ र ‘द गाजी अट्याक’ लगायत धेरै फिल्महरू गरेका थिए ।
६. अमित मिस्त्री
चलचित्र तथा टिभीका चर्चित अभिनेता अमित मिस्त्रीले पनि सन् २०२१ मा संसारलाई बिदाइ गरेका छन् । अमित मिस्त्रीको हृदयघातका कारण निधन भएको हो । फिल्म ‘क्या कहना’ मा उनले प्रीति जिन्टाको भाइको भूमिका निभाएका थिए । यस बाहेक उनी ‘तेनाली रामा’, ‘म्याडम सर’ र वेब शो ‘बन्दिश डाकु’ मा पनि देखा परेका थिए । उनले ‘एक चालिस की लास्ट लोकल’, ‘शोर इन द सिटी’ र ‘यमला पगला दिवाना’ जस्ता चलचित्रमा पनि अभिनय गरेका छन् ।
७. राजीव कपूर
राज कपूरका कान्छो छोरा र अभिनेता राजीव कपूरको फेब्रुअरी २०२१ मा हृदयघातका कारण मृत्यु भएको थियो। राजीव रणधीर कपूर र ऋषि कपुरका कान्छो भाइ थिए। उनले फिल्म ‘राम तेरी गंगा मैली’ बाट निकै नाम कमाए ।
८. शशिकला सहगल
५० देखि ६० र ७० को दशकमा आफ्नो बोल्ड छवि र दमदार अभिनय प्रमाणित गरेकी अभिनेत्री शशिकला सहगलले पनि २०२१ मा सबैलाई छाडिदिइन् । शशिकलाको अप्रिल २०२१ मा निधन भएको थियो । उनी ‘मुझसे शादी करोगी’ र ‘कभी खुशी कभी गम’ जस्ता फिल्ममा पनि देखिएकी थिइन् ।
९. राज कौशल
चर्चित अभिनेत्री मन्दिरा बेदीका पति राज कौशलको सन् २०२१ जुनमा हृदयाघातका कारण निधन भएको थियो । राज कौशल फिल्म निर्देशन र निर्माणमा काम गर्थे। उनले ‘प्यार मे कभी कभी’, ‘शादी का लड्डु’, ‘माई ब्रदर निखिल’ र ‘एन्थोनी कौन है’ जस्ता चलचित्र निर्माण गरेका थिए ।
१०. अनुपम श्याम ‘ठाकुर सज्जन सिंह’
सानो र ठूलो पर्दामा आफ्नो अभिनय कौशल देखाउने चर्चित अभिनेता अनुपम श्यामको २०२१ अगस्टमा निधन भयो। उनी ६३ वर्षका थिए । अनुपम श्याम लामो समयदेखि मृगौला रोगसँग लडिरहेका थिए । उनको शरीरका धेरै अङ्गले काम गर्न छोडेका थिए । टिभी शो ‘मन की आवाज प्रतिज्ञा’ मा ठाकुर सज्जन सिंहको भूमिकाबाट अनुपम श्यामले निकै चर्चा पाएका थिए ।
