आइसिसि टी–२० विश्वकप क्रिकेट अन्तर्गत आजको पहिलो सुपर ८ का खेलमा पाकिस्तानले न्युजील्यान्ड विरुद्ध टस जितेर ब्याटिङ गर्ने निर्णय गरेको छ ।
यो खेल नेपाली समय अनुसार अहिले साँझ ७.१५ बजे सुरु हुनेछ । यो खेल स्पिनरलाई मद्दत पुग्ने कोलम्बोस्थित आर प्रेमदासा स्टेडियममा हुँदैछ । त्यही कारण पनि पाकिस्तानले ब्याटिङ रोजेको हो ।
पछिल्ला पाँच टी–२० खेलमा न्युजील्यान्डले तीन वटामा जित र २ वटामा हार व्यहोरेको छ भने अस्थिर देखिने पाकिस्तानले चार खेलमा जित र एउटामा हार व्यहोरेको छ ।
न्युजिल्यान्ड र पाकिस्तानको प्लेइङ–११
न्युजिल्यान्ड:
टिम साइफर्ट (विकेट किपर), फिन एलेन, रचिन रविन्द्र, ग्लेन फिलिप्स, मार्क च्यापम्यान, ड्यारिल मिचेल, मिचेल सान्टनर (कप्तान), जिमी निसम, म्याट हेनरी, इश सोधी, लकी फर्ग्युसन
पाकिस्तान:
साहिबजादा फरहान, साइम अयुब, सलमान अली आगा (कप्तान), बाबर आजम, फखर जमान, शादाब खान, उस्मान खान (विकेट किपर), मोहम्मद नवाज, फहीम अशरफ, सलमान मिर्जा, उस्मान तारिक
