काठमाडाैँ । मकवानपुरमा राष्ट्रिय स्वतन्त्र पार्टीलाई संगठन विस्तारको सुरुवाती चरणदेखि नेतृत्व गर्दै आएका भरत पराजुलीले अन्ततः पार्टीबाट अलग हुने घोषणा गरेका छन्। जिल्ला सभापतिका रूपमा कार्यरत पराजुलीले नेतृत्व शैलीप्रति असन्तोष व्यक्त गर्दै पार्टी परित्याग गरेका हुन्।
पार्टी छोडेसँगै उनी नेपाली कांग्रेसमा आबद्ध भएका छन्। कांग्रेस मकवानपुरका अनुसार उनलाई कांग्रेस महामन्त्री गगन थापा ले सर्लाही–४ बाट पार्टीमा स्वागत गरेका हुन्। पराजुलीसँगै रास्वपाका मकवानपुर क्षेत्र नम्बर २ का चुनावी संयोजक नीराजन बर्तौलासमेत कांग्रेसमा फर्किएका छन्।
२०७९ सालको प्रतिनिधिसभा निर्वाचनमा पराजुलीले मकवानपुर क्षेत्र नम्बर २ बाट राष्ट्रिय स्वतन्त्र पार्टीको उम्मेदवारका रूपमा प्रतिस्पर्धा गरेका थिए। उक्त निर्वाचनमा उनले १२ हजार ५९ मत प्राप्त गर्दै तेस्रो स्थान हासिल गरेका थिए।
