इङलिस प्रिमियर लिग अन्तर्गत सोमबार राति भएको खेलमा म्यान्चेस्टर युनाइटेडले एभर्टनलाई पराजित गरेको छ ।
एभर्टनको गृह मैदान हिल डिकिन्सन स्टेडियममा भएको खेलमा दुबै टोलीले निकै राम्रा मुभ बनाए पनि अन्तत: युनाइटेडले बेन्जामिन सेस्कोको गोल मद्दतले १–० गोल अन्तरले खेल जित्यो ।
स्थानापन्न खेलाडीका रुपमा ५८औं मिनेटमा मैदान प्रवेश गरेका सेस्कोले ब्रायन बुमोले दिएको पासमा ७१औं मिनेटमा युनाइटेडका लागि गोल गरेका थिए ।
यो जितसँगै युनाइटेड लिगको चौथो स्थानमा उक्लेको छ । युनाइटेडले २७ खेलबाट ४८ अंक जोडेको छ । अहिले निकै राम्रो फर्ममा रहेको युनाइटेडले पछिल्ला पाँच खेलमा चार वटामा जित निकालेको छ भने एउटा खेल बराबरी गरेको छ ।
उता, एभर्टन भने ३७ अंकका साथ लिगमा नवौं स्थानमा छ ।
अंक तालिका
१. आर्सनल – ६१ अंक
२. म्यानचेस्टर सिटी – ५६ अंक
३. एस्टन भिल्ला – ५१ अंक
४. म्यानचेस्टर युनाइटेड – ४८ अंक
५. चेल्सी – ४५ अंक
६. लिभरपुल – ४५ अंक
