काठमाडौँ । भाटभटेनी सुपरमार्केटका सञ्चालक मीनबहादुर गुरुङले आज प्रधानमन्त्री सुशीला कार्कीसँग भेटघाट गरेका छन्।
भेटका क्रममा देशको समसामयिक अवस्था, सुशासन तथा न्यायिक क्षेत्रसँग सम्बन्धित विषयमा छलफल भएको बताइएको छ। नेपालको पहिलो महिला प्रधानन्यायाधीशको रूपमा ऐतिहासिक पहिचान बनाएकी कार्कीप्रति गुरुङले सम्मान व्यक्त गर्दै उनकाे नेतृत्व, इमान्दारिता र राष्ट्रप्रतिको प्रतिबद्धताको उच्च प्रशंसा गरेका छन्।
यस अवसरमा कार्कीको योगदानले मुलुकमा विधिको शासन सुदृढ बनाउन महत्वपूर्ण भूमिका खेलेको उल्लेख गर्दै यस्ता व्यक्तित्वबाट समाजले निरन्तर प्रेरणा लिइरहनुपर्ने धारणा व्यक्त गरिएको छ।
