काठमाडौँ । राष्ट्रिय स्वतन्त्र पार्टी (रास्वपा) की नवनिर्वाचित सांसद आशिका तामाङले ढुवानीका लागि सडक प्रयोग गरेको आधारमा कर असुली गर्नु न्यायोचित नहुने बताएकी छन्।
सामाजिक सञ्जालमार्फत आफ्नो धारणा सार्वजनिक गर्दै उनले ढुवानी प्रयोजनका सवारीसाधनमाथि लगाइने शुल्कप्रति आपत्ति जनाएकी हुन्। तामाङले मलेखुदेखि ताल्तीसम्म सञ्चालन हुने सवारीसाधनले अबदेखि कुनै पनि प्रकारको शुल्क तिर्नु नपर्ने जानकारी दिँदै सम्बन्धित निकायलाई निर्देशन दिइसकेको उल्लेख गरेकी छन्।
उनले सो क्षेत्रमा कसैले पनि शुल्क उठाएको पाइएमा कडा कारबाही गरिने चेतावनी समेत दिएकी छन्।
