काठमाडौं । नवनिर्वाचित प्रतिनिधि सभा सदस्यहरूको शपथ ग्रहण सम्पन्न भएसँगै राष्ट्रिय स्वतन्त्र पार्टी आगामी बैठकहरूका लागि तयारीमा जुटेको छ।
पार्टीका अनुसार आज दिउँसो ४ बजेदेखि केन्द्रीय समितिको बैठक बस्नेछ भने त्यसलगत्तै ५ बजे संसदीय दलको बैठक आयोजना गरिने कार्यक्रम रहेको छ। दुवै बैठक पार्टीको केन्द्रीय कार्यालय वनस्थलीमा हुने जनाइएको छ।
हाल पार्टी केन्द्रीय कार्यालयमा बैठकको तयारी अन्तिम चरणमा पुगेको छ। शपथ ग्रहण सम्पन्न भएसँगै केन्द्रीय समितिका सदस्यहरू कार्यालयमा उपस्थित हुने क्रम जारी रहेको छ।
