काठमाडौं । नवनियुक्त प्रधानमन्त्री बालेन्द्र शाहलाई निवर्तमान प्रधानमन्त्री सुशील कार्कीले बधाई तथा शुभकामना व्यक्त गरेकी छन्।
कार्कीले सामाजिक सञ्जालमार्फत शुभकामना सन्देश जारी गर्दै ३५ वर्षीय युवा नेतृत्वले देशको शासन सम्हाल्नु सकारात्मक संकेत भएको उल्लेख गरेकी छन्।
उनले युवालाई उत्तराधिकारीका रूपमा पाउँदा आफू थप हर्षित भएको पनि बताएकी छन्।
उनले प्रधानमन्त्री शाहलाई जोस र होसको सन्तुलन मिलाएर जनताको जनादेशको प्रभावकारी सम्बोधन गर्न सफलता मिलोस् भन्ने कामना व्यक्त गरेकी छन्।
साथै देशको समग्र हितमा काम गर्दै नयाँ नेतृत्वले अपेक्षा अनुरूप परिणाम दिन सकोस् भन्ने शुभेच्छा व्यक्त गरेकी छन्।
