काठमाडौं । सर्वोच्च अदालतका बरिष्ठतम न्यायाधीश सपना प्रधान मल्लले आजदेखि कायम मुकायम (कामु) प्रधानन्यायाधीश को जिम्मेवारी सम्हाल्ने हुनेछ ।
प्रधानन्यायाधीश प्रकाशमान सिंह राउत उमेर हदका कारण सेवा निवृत्त भएसँगै आजदेखि वरिष्ठतम न्यायाधीश मल्लले कायममुकायम प्रधानन्यायाधीशको जिम्मेवारी सम्हाल्ने लाग्नु भएको हो ।
भावी प्रधान न्यायाधीशका लागि न्याय परिषद्ले सर्वोच्च अदालतका वरिष्ठतम न्यायाधीश मल्लसहित न्यायाधीशहरू कुमार रेग्मी, हरि फुयाँल, डा मनोजकुमार शर्मा, डा नहकुल सुवेदी र तिलप्रसाद श्रेष्ठको नाम सिफारिस गरेको छ ।
रोलक्रम अनुसार नै प्रधान न्यायाधीश नियुक्त भएमा मल्ल प्रधान न्यायाधीश बन्नुहुने छ । अहिलेकै उमेरहदको व्यवस्था कायमै रहेमा मल्लको कार्यकाल २०८५ कात्तिक ९ गतेसम्म कायम रहने छ ।
