काठमाडाैँ । प्रतिनिधिसभाको बिहीबारको बैठकमा नेकपा (एमाले)ले पूर्वप्रधानमन्त्री केपी शर्मा ओली र नेपाली कांग्रेसका नेता रमेश लेखकलाई सरकारले असंवैधानिक रूपमा बन्दी बनाइएको भन्दै कडा आपत्ति जनाएको छ ।
बैठकको प्रारम्भमै बोल्दै एमाले सांसद गुरु बरालले सरकार संविधानविपरीत गतिविधिमा संलग्न रहेको आरोप लगाउनुभयो । उहाँले ओली र लेखकको पक्राउलाई असंवैधानिक भन्दै तत्काल रिहाइको माग गरे ।
सांसद बरालले संविधानले प्रत्येक नागरिकलाई सम्मानपूर्वक बाँच्न पाउने अधिकार र समानताको हक सुनिश्चित गरेको उल्लेख गर्दै सरकार त्यही संविधानको उल्लङ्घन गरिरहेको दाबी गर्नुभयो । उहाँले आन्दोलनका क्रममा एमाले सांसदहरू राज्य दमनबाट घाइते भएको पनि संसदमा जानकारी गराए ।
उनले सरकारलाई संविधानअनुसार सञ्चालन हुन ध्यानाकर्षण गराउँदै घाइते भएकाहरूको उपचारको व्यवस्था गर्न समेत माग गरे ।
उनले भने, “आज देशमा संविधानको खिलाप गतिविधिहरू भइरहेका छन् । संविधानमा हरेक नागरिकले सम्मानपूर्वक बाँच्न, पाउने र समानताको हक प्रदान गरेको छ । सभामुखज्यूमार्फत म सरकारको ध्यानाकर्षण गराउन चाहन्छु । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको पक्राउ असंवैधानिक छ ।”
एमालेले संसदमार्फत उठाएको यस विषयले राजनीतिक वातावरण थप तातिएको देखिएको छ ।
