ग्याब्रियल जिससको ह्याट्रिकमा म्यानचेष्टर सिटीले च्याम्पियन्स लिग फुटबलमा डायनामो जाग्रेबलाई हराएको छ । बुधबार राति भएको खेलमा डायनामो जाग्रेबलाई ४–१ गोल अन्तरले म्यान्चेष्टर सिटीले हराएको हो । सिटीको जितमा जिससले ह्याट्रिक गरेका थिए । मुख्य फरवार्ड सर्जियो अग्युरो चोटका कारण बाहिरीएपछि सिटीको आक्रमण सम्हाल्ने जिम्मेवारी जिससले पाए।
उनले पछिल्ला पाँच खेलमा पाँच गोल गरेका थिए । खेलको ३४ औ मिनेटमा पहिलो गोल गरेका उनले ५० औ मिनेटमा दोस्रो र ५४ औ मिनेटमा ह्याट्रिक पुरा गरेका थिए । फोडिनले ८४ औ मिनेटमा सिटीका लागि चौथो गोल गर्न सफल रहे ।खेलमा अग्रता भने जाग्रेबले खेलको १० औ मिनेटमा ओल्मोको गोलबाट लिएको थियो ।
समूह सीको खेलमा सिटीले १४ अंक जोड्दै समूह विजेताको रुपका नकआउट चरण प्रवेश गर्यो । जाग्रेब ५ अंक सहित पुछारमा रहँदै प्रतियोगिताको अन्त्य गर्यो ।
