काठमाडौं। सनराइजर्स हैदराबादले इन्डियन प्रिमियर लिग (एनपिएल) मा कोलकाता नाइट राइडर्सलाई ६५ रनले पराजित गरेको छ।
विहिबार राति सम्पन्न खेलमा सनराइजर्सले कोलकोतालाई ६५ रनले पराजित गरेको हो । सनराइजर्सले दिएको २२७ रनको लक्ष्य पछाएको कोलकोताले १६ ओभरमा अल आउट हुदै १६१ रन बनाएको थियो ।
कोलकाता नाइट राइडर्सको लागि अंगकृश रघुवंशीले सर्वाधिक ५२ रनको अर्धशतकीय पारी खेले। उनले २९ बलमा ६ चौका र दुई छक्का प्रहार गरे। कप्तान अजिन्क्य रहाणे ८ रनमा पेभेलियन फर्किदा अर्का ओपनर फिन एलेनले २८ रन बनाए। रिंकु सिंहले ३५, रमनदिप सिंहले १० र सुनिल नरेनले १२ रन बनाए। अन्य कुनै पनि ब्याटरले दोहोरो अंकमा रन बनाउन सकेनन्।
कोलकातालाई सस्तैमा रोक्न हैदराबादका बलर जयदेव उनादकटले ३ विकेट लिए। इशान मलिंगा र नितेश कुमार रेड्डीले समान २-२ विकेट लिँदा हर्ष दुबेले १ विकेट लिए ।
यसअघि पहिला ब्याटिंग गरेको सनराइजर्सले २० ओभरमा ८ विकेट गुमाउदै २२६ रन बनाएको थियो । सनराइजर्सका लागि हेइनरिच क्लासेनले ५२ रन बनाए भने अभिषेक शर्माले ४८, ट्राभिस हेडले ४६ र नितिश कुमार रेड्डीले ३९ रन बनाएका थिए ।
त्यस्तै कोलकोताका कारण ब्लेसिङ मुजाराबानीले ४ विकेट लिएका थिए । वैभव अरोराले २ विकेट लिँदा कार्तिक त्यागी र अनुकूल रोयले १-१ विकेट लिए।
सनराइजर्सको यो दोस्रो खेलमा पहिलो जित हो । त्यस्तै कोलकोताले भने लगातार दोस्रो हार बेहोरेको छ ।
