लिभरपुल समूह विजेता बन्दै च्याम्पियन्स लिग फुटबलको नकआउट चरणमा प्रवेश गरेको छ ।मंगलबार राति भएको खेलमा लिभरपुलले रेलबुल साल्जवर्गलाई २–० गोल अन्तरले हरायो ।साविक विजेता लिभरपुललाई अघिल्लो चरण पुग्न एक अंक पर्याप्त थियो । लिभरपुलले दुवै गोल खेलको दोस्रो हाफमा गर्यो । नाबी केईटाले ५७ औ मिनेटमा गोल गर्दै लिभरपुललाई अग्रता दिलाएका थिए ।
लगत्तै दोस्रो मिनेटमा मोहमद सलाहाले लिभरपुलका लागि दोस्रो गोल गर्दै जित सुनिश्चित गरे ।समूह विजेता बन्न लिभरपुललाई तीन अंकनै आवश्यक थियो । कारण नापोलीले बेल्जियमको क्लब जेन्कलाई ४–० ले हराएको थियो ।
समूह ईको विजेताको रुपमा लिभरपुलले १३ अंक बटुल्यो । नापोली १२ अंक सहित दोस्रो स्थानमा रहेर नकआउट चरण पुग्ने दोस्रो टिम बन्यो । साल्जवर्ग ७ र जेन्क १ अंक सहित तालिकाको पुछारमा रहे ।
