आँखै अगाडि आज मुग्लिङ पुलबाट हाम फाली आत्महत्याको प्रयास गर्ने एक कलिलो उमेरकी बहिनीलाई ज्यानको बाजी लगाएर जीवितै उद्धार गर्ने यो होटल कामदार हिरो भाइलाई लाखलाख सलाम । यिनी केही समयदेखि पुलको मध्यतिर बसी मोबाइलमा व्यस्त देखिन्थिन् ।
क्षणभरमै के भो कुन्नि, बिजुली चम्केसँगै चट्याङको आवाज आएजस्तो नदीमा बेजोड छप्ल्याङको आवाज आयो, एकाएक मौसम फेरियो, नदीमा विसर्जन गरिएको थुँगा फुलजसरी उनी बग्न थालेको देखिइन्, नदीले उनलाई आफ्नो बहावको हिस्सा बनायो निमेषमै।
वरिपरी एक कहालीलाग्दो चिच्याहट र मृत्युुसँगको उनको संघर्षको दृष्यले स्तब्धता छायो । त्यहीबीचबाट यो हिरोले करीब २०० मीटरको दुरीमै गरेको साहसिक उद्धार कार्यले करूणा र मानवताको घुम्टो उघारिदियो र हामी सबै आभारी मनहरू भावविभोर भयौँ।
डिलादत्त पन्तको फेसवुक वालबाट
