प्रिमियर लिग फुटबलमा लिभरपुलले सान्दार जित हात पारेको छ । शनिबार राति वर्नेमाउथको घरेलु मैदानमा लिभरपुलले ३–० गोलको जित निकालेको हो । लिभरपुलले प्लेईङ सेटमा सात खेलाडी परिवर्तन गरेसंगै यो जित हात पारेको हो । जोर्डन हेन्डरसनको लामो पासलाई सदुपयोग गर्दै ओक्सलाडे चेम्बर्लिनले ३५ औ मिनेटमा लिभरपुललाई अग्रता दिलाउन फल भएका थिए ।
नाबी केईटाले ४४ औ मिनेटमा लिभरपुलको अग्रता दोब्बर बनाए । मोहमद सलाहाले ५४ औ मिनेटमा लिभरपुललाई ३–० को स्थितीमा पुर्याएका थिए । लिभरपुलले लिगमा आफ्नो अपराजित यात्रालाई कीर्तिमानी ३३ खेलसम्म पुर्याएको छ । उसले जारी सिजनमा १६ मध्य १५ खेलमा जित निकालेको छ ।
जित सहित लिभरपुलले अंक तालिकामा स्पष्ट ११ अंकको अग्रता बनाएको छ । लिभरपुलको प्रतिद्वन्दी लेस्टरको ३५ अंक रहेको छ । लिभरपुलले ११ अंकको अग्रता सहित ४६ अंक जोडेको छ । वर्नेमाउथ १६ अंक सहित तालिकाको १५ औं स्थानमा छ ।
