प्युठान नगरपालिका वडा नम्वर २ को वडा अध्यक्षमा नेपाल कम्युनिष्ट्र पार्टी (नेकपा) का उम्मेदवार मुक्ती पोख्रेल विजयी भएका छन् । नेकपा र नेपाली कांग्रेसको प्रतिस्पर्धा रहेको यस वडामा कांग्रेसका उमेद्वार मोहन सिंह बिष्टलाई दुई सय ८४ मतको अन्तरमा हराउदैँ नेकपाका पोख्रेल विजयी भएका हुन् । पोख्रेलले एक हजार एक सय २७ मत प्राप्त गरेका छने भने प्रतिद्वन्दी बिष्टले आठ सय ४३ मत प्राप्त गरेका छन् ।
यस वडामा २५ मत बदर भएको मुख्य निर्वाचन अधिकृत एंव जिल्ला बिष्णु प्रसाद गौतमले जानकारी दिए । दुई जनाको उमेद्वारी परेको यस वडामा तीन हजार २१ मतदाता रहेका थिए । जसमा एक हजार नौ सय ९५ जनाले मात्र मतदान गरेका थिए । यस वडामा राजमोले पोख्रेललाई साथ दिएको थियो । वडा अध्यक्ष खिम बहादुर बिष्टको निधन भएपछि यस वडामा उपनिर्वाचन भएको हो ।
वडामा रहेको खानेपानी समस्या समाधान हुने:लामो समयसम्म शिक्षण पेशामा आवद्ध भई अवकाश पाएका ५४ वर्षीय पोख्रेल नेपाल कम्युनिष्ट पार्टी (नेकपा) जिल्ला सचिवालय सदस्य हुन् । उनी पछिल्लो समय राजनीति संगै कुखुरापालन व्यवसायमा आवद्ध छन् । उनी विभिन्न संघसंस्थामा समेत आवद्ध भएको बताए । निधन भएका अध्यक्षले अगाडी वढाएका योजनाहरुलाई पुरा गर्ने उनले बताए ।
यस वडाको प्रमुख समस्याको रुपमा रहेको खानेपानी समस्यालाई पहिलो प्राथमिकतामा राखी समाधान गरिने उनले बताए । ऐरावती गाउँपालिका १ र २ वडामा भएको उपनिर्वाचनको मतगणना सुरु भएको छैन् । आईतबार विहान ७ बजे सर्वदलीय वैठक बसेपछि मात्रै मतगणना सुरु गरिने निर्वाचन अधिकृत चन्द्रदेव भारतीले जानकारी दिए । नयाँ पत्रिका दैनिकबाट
