कास्की । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले नेपाली कांग्रेसका नेता गगन थापालाई काउन्टर दिएका छन् । नेपाली कांग्रेसले कास्की २ मा ७७ वर्षे उम्मेदवारलाई चुनावमा उतारेको भन्दै आलोचना गरेका छन्।
गगन थापाले गत भदौमा संसदमा बोलेको कुराप्रति लक्षित गर्दै प्रचण्डले बुधबार कास्कीमा चुनावी सभामा बोल्दै प्रचण्डले देवघाटतिर जानुपर्ने मान्छेलाई कांग्रेसले चुनावमा अघि सारेको भन्दै आलोचना गरेका हुन्।
गत भदौ १८ गते संसदमा कांग्रेस सांसद थापाले प्रधानमन्त्री केपी शर्मा ओली उपचारका लागि सिंगापुर गएका बेला विरामी भएका ‘बा प्रधानमन्त्रीलाई’ नेकपाले आराम गर्न दिनुपर्ने बताएका थिए।
गगनले बोलेको तीन महिनापछि बुधबार पोखरामा प्रचण्डले, ‘हाम्रो प्रधानमन्त्रीलाई कहिलेकाहीँ बिदा लिनुपर्छ भन्नेहरूले विचरा ७७ बर्षको बूढालाई। जो अब देवघाटतिर जानुपर्ने मान्छेलाई। त्यहाँ गएर ध्यान र ज्ञान सिक्नपर्ने मान्छेलाई आफू अघि सार्ने अनि ६५ वर्ष जवानलाई रेष्ट गर्ने भन्न मिल्छ त ?’ भन्ने प्रश्न गरे, ‘यो कहीँ कतैबाट मिल्ने कुरा होइन।’
कांग्रेसले कास्की २ मा ७५ वर्षे खेमराज पौडेललाई उम्मेदवार बनाएको छ।
