काठमाडौं। सेवाग्राहीबाट ५ लाख रुपैयाँ घुस लिँदालिँदै जिल्ला मालपोत कार्यालय, सिराहाका प्रमुख पक्राउ परेका छन् । शुक्रबार विहान कार्यालय प्रमुख रामबाबु मण्डल घुस लिँदालिँदै कार्यालयबाटै पक्राउ परेका हुन् ।
अख्तियार दुरुपयोग अनुसन्धान आयोग बर्दिवासको टोलीले मण्डललाई घुससहित पक्राउ गरेको कार्यालय प्रमुख सह–सचिव नारायणप्रसाद सापकोटाले बताए ।
सुकुम्बासीको नाममा आएको जग्गाको विषयमा उच्च अदालत, विराटनगरले प्रमाण माग गरेपछि पीडित मालपोत कार्यालयमा पुगेका थिए । त्यससम्बन्धी कागज माग्ने क्रममा मण्डलले कागज दिन आनाकानी गरेर रकम माग गरेको अख्तियारमा उजुरी परेको थियो ।
