शीर्ष स्थानमा रहँदै ईङ्ल्याण्ड युरोकपमा छनोट भएको छ । आईतबार राति समूह एको खेलमा कोसोभोलाई ४–० गोल अन्तरले ईङ्ल्याण्डले हराएको हो । खेलमा अग्रता ईङ्ल्याण्डले ३२ औ मिनेटमा ह्यारी विङ्कको गोलबाट लिएको थियो । उनको यो पहिलो अन्तराष्ट्रिय गोल हो ।
ह्यारी केनले ७९ औ मिनेटमा अग्रतालाई दोब्बर बनाए । उनको ईङ्ल्याण्डबाट गोल संख्या ३२ पुर्याएका छन् । त्यसको चार मिनेटपछि मार्कुस रासफोर्डले ईङ्ल्याण्डलाई ३–० को स्थिती पुर्याएका थिए । ईन्जुरी समयमा मासन माउन्टले गोल गर्दै पाहुना टिमलाई प्रभावशाली जित दिलाए । सिनियर स्तरको खेलमा माउन्टको समेत पहिलो गोल हो ।
समूह चरणको अन्तिम खेलमा जित निकाल्दै ईङ्ल्याण्डले छनोट प्रतियोगिताको अन्त्य गरेको हो । शीर्ष स्थानको ईङ्ल्याण्डले ८ खेलबाट २१ अंक जोड्यो । कोसोभो ११ अंक सहित तेस्रो स्थानमा रह्यो ।
