काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीकै कारण सत्तारुढ गठबन्धन टुट्छ भन्ने आफूलाई नलागेको बताउनुभएको छ । न्युज एजेन्सी नेपालसँगको अन्तर्वार्तामा उहाँले एमसीसीकै कारण गठबन्धनलाई टुट्न वा फुट्न नदिने स्पष्ट गर्नुभयो ।
बुद्धिजीवि, पत्रकार, नागरिकहरुको पनि राय लिएर राष्ट्रियरुपमा पनि एउटा समझदारी बनाएर मात्रै यसलाई अगाडि बढाउन सकिन्छ तर जबरजस्ती गरियो भने यसले अफ्ठ्यारो स्थिति बन्छ भनेर नै प्रधानमन्त्री शेरबहादुर देउवाले गठबन्धन दलको बैठक बोलाउनुभएको भन्दै उहाँले भन्नुभयो, “गठबन्धन दलको बैठकमा एमसीसीबारे छलफल भयो, त्यहाँ एउटा कार्यदल बनाइएको छ, त्यसले अध्ययन गर्दैछ हिजोमात्र कार्यदलको एउटा बैठक बस्यो, फेरि १७ गते बस्दैछ त्यसैले एमसीसीले अलिकति समय लियो भने पनि यसमा सुधारको गुञ्जायस छ ।”
