काठमाडौं । जिल्ला अदालत काठमाडौंले सोमबार पूर्वसभामुख कृष्णबहादुर महरालाई पु’र्पक्षका लागि डिल्लीबजार कारागारमा जेल चलान गरेको छ । जिल्ला अदालतको आदेशअनुसारसंगै डिल्लीबजार कारागारमा शपथ खाने र खुवाउने एकै ठाउँमा भेटिएका छन् ।
संसद् सचिवालयकी महिला कर्मचारी रोशनी शाहीलाई ब’लात्कार प्र यास गरेको अभियोग लागेका महरालाई प्रहरीले १९ असोजमा पक्राउ गरेको थियो । यसअघि महरा २८ दिन प्रहरीको थुनामा थिए ।
भीभीआईपी अभियुक्तलाई डिल्लीबजार कारागारमा राखिँदै आएको छ । महरालाई पनि कारागारको ‘क’ ब्लकमा राखेको डिल्लीबजार कारागारका जेलर अरुण पोखरेलले बताए । उनको नजिकैको रूममा पूर्व आईजीपी रमेशचन्द ठकुरी छन् ।
महरासंगै डिल्लीबजार कारागारमा कैलाली १ बाट निर्वाचित सांसद रेशमकुमार चौधरी, प्रहरीका पूर्वआईजीपी रमेशचन्द ठकुरी, तत्कालीन किस्ट बैंकका सीईओ कमल ज्ञवाली, सशस्त्र प्रहरीका प्रहरी नायव महानिरीक्षक (डीआइजी) रञ्जन कोइराला, पूर्व सासंद डीबी कार्कीसमेत डिल्लीजार कारागारमै राखिएको छ ।
