इटालियन सिरी ‘ए’ फुटबलमा एसी मिलानले साँघुरो जित निकालेको छ । बिहिबार राति भएको खेलमा एसपीएललाई १-० गोल अन्तरले मिलानले पराजित गरेको हो ।
घरेलु मैदानमा सुसोले मिलानलाई जित दिलाउन निर्णायक गोल गरेका थिए । पहिलो हाफ गोलरहित बराबरीमा सकिएको खेलमा सुसोले ६३ औं मिनेटमा निर्णायक गोल गरे ।
जितसँगै मिलानले १० खेलमा १३ अंक जोडेको छ । मिलान लिगको दशौँ स्थानमा उक्लिएको छ ।एसपीएल १० खेलमा ७ अंक जोडेर पुछारबाट दोस्रो स्थानमा रहेको छ ।
