काठमाडौं । नेपाली कांग्रेसको १४औं महाधिवेशनबाट निर्वाचित केन्द्रीय कार्यसमितिको पहिलो बैठक शनिबार बस्ने भएको छ ।
ललितपुरको सानेपास्थित पार्टी केन्द्रीय कार्यालयमा बैठक बस्न लागेको हो ।
बैठक बस्नुअघि शुक्रबार कांग्रेसको केन्द्रीय निर्वाचन समितिले नवनिर्वाचित पदाधिकारी र सदस्यलाई प्रमाणपत्र वितरण गर्ने कार्यक्रम राखिएको कांग्रेस मुख्यसचिव कृष्णप्रसाद पौडेलले जानकारी दिए ।
यस्तै, सोही दिन सभापति शेरबहादुर देउवाले पदभार ग्रहण गर्ने तय भएको छ । १४ औं महाधिवेशनबाट १३ जना पदाधिकारी तथा १२१ जना केन्द्रीय सदस्य निर्वाचित हुनेछन् ।
